Administracyja Centralnaha rajona stalicy arhanizavała pramuju liniju z kiraŭnictvam rajona, paviedamlajuć «Minsk-naviny». Pra što haradžanie pytalisia ŭ čynoŭnikaŭ?
Naprykład, dazvaniŭsia nieabyjakavy minčuk Siarhiej Ivanavič, jaki pražyvaje ŭ domie 11 na vulicy Zasłaŭskaj. Jon źviarnuŭ uvahu na toje, što na terytoryi plažu, abstalavanaha ŭ parku Pieramohi, haradžanie vyhulvajuć sabak, časam i biez napyśnika.
Plaž u Minsku, ilustracyjny zdymak. Fota Volhi Šukajła, Tut.by
Siarhiej Ivanavič narakaje, što niama navat infarmacyjnych ščytkoŭ, jakija b papiaredžvali pra administracyjnuju adkaznaść.
Dyrektar Zielanbuda Centralnaha Anatol Maroz abvierh hetaje mierkavańnie — na terytoryi parka nasamreč ustalavanyja 4 infarmacyjnyja doški i 6 znakaŭ.
Ale pakolki jany nie zaŭsiody spracoŭvajuć, Siarhieju Ivanaviču paraili paviedamlać u Zielanbud pra kožny zafiksavany fakt parušeńnia. Pry hetym u jakaści dokazu treba pradastavić fota parušalnika i jaho sabaki.
Aproč taho, na pramuju liniju dazvanilisia jašče try čałavieki. Jany narakali na kapitalny ramont, drennuju pryborku ŭ padjeździe i šumnych susiedziaŭ.