Sud Kastryčnickaha rajona Mahilova vynies prysud pa kryminalnaj spravie ŭ dačynieńni da byłoha hałoŭnaha inžyniera «Babulinaha hładyša». Jamu dali 10 hadoŭ.
Ustanoŭlena, što hałoŭny inžynier, žadajučy niezakonna ŭzbahacicca za košt pradpryjemstva, dziejničaŭ u składzie arhanizavanaj złačynnaj hrupy sa svaim znajomym i žonkaj z kastryčnika 2013 pa luty 2017 hoda. Tyja byli zasnavalnikami i kiraŭnikami lipavych firmaŭ, jakija zarehistravali vyklučna dla ździajśnieńnia złačynstva.
Abvinavačanyja pastaŭlali na zavod roznyja tavary pa nieabhruntavana zavyšanych cenach adnosna cen dobrasumlennych pastaŭščykoŭ. Takim čynam fihuranty atrymali 417 tysiač rubloŭ. Jany pryznanyja vinavatymi ŭ kradziažy šlacham złoŭžyvańnia słužbovymi paŭnamoctvami.
Byłoha hałoŭnaha inžyniera prysudzili da 10 hadoŭ pazbaŭleńnia voli ŭ kałonii ŭzmocnienaha režymu, jaho znajomaha — da 7, žonku — da 6 hadoŭ pazbaŭleńnia voli.
