Uviečary 9 žniŭnia ŭ Viciebsku supracoŭnikami Dziaržaŭtainśpiekcyi byŭ zatrymany ŭsiedarožnik Mercedes-Benz GLE, za rulom jakoha była 41-hadovaja miascovaja žycharka, paviedamiła aficyjny pradstaŭnik MUS Volha Čamadanava.
Žančyna ŭčyniła DTZ va Ušackim rajonie, źnikła ź miesca zdareńnia i admoviłasia vykonvać zakonnyja patrabavańni supracoŭnikaŭ ab spynieńni.
Paviedamleńnie ab darožna-transpartnym zdareńni ŭ vioscy Biełaje Ušackaha rajona pastupiła ad vidavočcy. Usiedarožnik pry ruchu zadnim chodam sutyknuŭsia z aŭtaciahnikom MAN, jaki stajaŭ. Kiroŭca źjechała ź miesca zdareńnia.
U pole zroku krasovier trapiŭ na padjeździe da Viciebska. Jon ruchaŭsia na chutkaści, jakaja značna pieravyšaje dapuščalnuju. Kiroŭca ihnaravała patrabavańni DAI spynicca. Zatrymać parušalnicu stała mahčymym tolki na ŭjeździe ŭ horad. Žančyna ad miedycynskaha ahladu admoviłasia.
Na kiroŭcu składzieny šerah administracyjnych pratakołaŭ, u tym liku za kiravańnie transpartnym srodkam u stanie apjanieńnia.
