Sutyknieńnie pamiž musulmanami, što sabralisia na maleńni ŭ honar Kurban-Bajrama, i palicyjaj adbyłosia na Chramavaj hary ŭ Ijerusalimie, paviedamlajuć infarmahienctvy.
Umiašańniu palicejskich papiaredničaŭ kanflikt musulman ź iŭdziejami la ŭvachodu na terytoryju śviatyni. Kab raźvieści natoŭp, pravaachoŭniki ŭžyli śviatłošumavyja hranaty. U vyniku sutyknieńnia jość paciarpiełyja siarod pradstaŭnikoŭ dźviuch relihij, adnak dakładnaja kolkaść pakul nie nazyvajecca.
U dni isłamskich śviataŭ Chramavaja hara adkrytaja tolki dla naviednikaŭ, jakija vyznajuć isłam, ale sioleta Kurban-bajram supaŭ ź Dziaviatym ava — nacyjanalnym dniom žałoby jaŭrejskaha naroda — dniom, kali byli razburanyja Pieršy i Druhi Ijerusalimskija chramy. Pradstaŭniki iŭdziejskich arhanizacyj prasili ŭłady zabiaśpiečyć im uvachod u śviatyniu, ale palicyja ŭ metach biaśpieki abmiežavała iŭdziejam dostup na Chramavuju haru.
Kurban-bajram źjaŭlajecca adnym z dvuch hałoŭnych śviataŭ isłamu, śviata zakančeńnia chadžu, jaki adznačajecca praz 70 dzion paśla Uraza-Bajrama, śviata razhavieńnia paśla miesiaca postu Ramadana.
