Z červienia 2017 pa lipień 2018 hoda ŭ Minsku i Vilejcy mužčyna šukaŭ biednych dziaŭčat praz sajty znajomstvaŭ. Dalej jon prapanoŭvaŭ im na sistematyčnaj asnovie akazvać za materyjalnuju ŭznaharodu pasłuhi seksualnaha charaktaru ŭ Izraili, pišuć «Minsk-Naviny».
Paśla zhody dziaŭčat na vyjezd z krainy mužčyna afarmlaŭ dla ich zaprašeńni, nabyvaŭ praź inšych asob na terytoryi Izraila avijabilety, instruktavaŭ, jak prajści pamiežny kantrol u aeraporcie Tel-Aviva, kab nie vyklikać padazreńniaŭ. Paśla hetaha jon atrymlivaŭ materyjalnuju ŭznaharodu.
Pa prybyćci dziaŭčat u Tel-Aviŭ, ich sustrakali ŭ aeraporcie, advozili i raźmiaščali ŭ zdymnych kvaterach. Usiaho było siem dziaŭčat.
Taksama palicyja Izraila ŭstanaviła jašče troch hramadzian Izraila, jakija jamu dapamahali ŭ ažyćciaŭleńni niezakonnaj dziejnaści. Zatrymańnie ich u Izraili i 58-hadovaha mužčyny, jaki znachodziŭsia na terytoryi Biełarusi, pravodziłasia adnačasova.
