Na «Miensk-arenie» nie było nivodnaha volnaha miesca. Tak u Biełarusi sustreli ŭkrainski hurt «Okiean Jelzi». Padčas kancertu lider hurta Śviatasłaŭ Vakarčuk uzhadaŭ niadaŭna vyzvalenych 35 ukrainskich viaźniaŭ, «Miensk-arena» vitała hetyja słovy avacyjami, piša Radyjo Svaboda.
Kab dać kancert u Miensku, Vakarčuk syšoŭ z pasiedžańnia Viarchoŭnaj Rady. «Kanstytucyja Ukrainy dazvalaje narodnamu deputatu zajmacca tvorčaj dziejnaściu, a boh zabaraniaje mnie nie zajmacca tvorčaj dziejnaściu», — skazaŭ jon u interviju ŭkrainskaj słužbie Radyjo Svaboda. Pavodle Vakarčuka, jahony vystup na hetym kancercie nie apłačvajecca. «Ja nie atrymlivaju hanararaŭ i tych zabaronienych zakonam vypłat, jakich nia moža mieć narodny deputat», — zajaviŭ jon. Śviatasłaŭ Vakarčuk taksama adznačyŭ, što kancert u Miensku byŭ uzhodnieny jašče da taho, jak jon pajšoŭ u palityku i na vybary. Partyja «Hołas», stvoranaja Śviatasłavam Vakarčukom, atrymała 20 mandataŭ na pazačarhovych vybarach u parlament Ukrainy.