Fota Siarhieja Bałaja, Tut.by
Hiendyrektar «Biełavija» Anatol Husaraŭ paviedamiŭ, što avijakampanija zakančvaje raspracoŭku sistemy brendavych taryfaŭ. Raniej cana na bilet farmavałasia aŭtamatyčna, za košt popytu. Zaraz pasažyry zmohuć vybrać taryf — naprykład, z bahažom abo biez bahažu. U zaležnaści ad hetaha budzie farmavacca cana. Novaja sistema pavinna pačać pracavać užo ŭ listapadzie, piša Tut.by.
Jak patłumačyŭ Husaraŭ, pasažyr zmoža abrać, lacieć jamu z bahažom abo biez bahažu, z adnoj sumkaj ci niekalkimi, uziać kvitok z mahčymaściu admieny i biez takoj mahčymaści. U zaležnaści ad hetaha budzie vybudoŭvacca cana. Nieapłatnaja ručnaja pakłaža — da 10 kh. Košt kvitka biez bahažu budzie nižej za ciapierašnija startavyja taryfy. Zaraz bahaž aŭtamatyčna ŭklučany ŭ košt kvitka, pa taryfie ekanom-kłasa heta 23 kh.
Nahadajem, u kastryčniku «Biełavija» ŭviała płatny vybar miescaŭ pry anłajn-rehistracyi na rejs — ad 5 da 30 jeŭra ŭ zaležnaści ad miescaznachodžańnia kresłaŭ u sałonie. Vybrać miesca biaspłatna možna tolki z pakinutych miescaŭ - pry anłajn-rehistracyi abo rehistracyi niepasredna ŭ aeraporcie.