Prezident Rasii Uładzimir Pucin 4 listapada — u Dzień narodnaha adzinstva, jaki adznačajecca ŭ Rasii, — uručyŭ ŭ Kramli orden Družby lidaru bałharskaha ruchu «Rusafiłaŭ» Mikałaju Malinavu, jaki abvinavačvajecca ŭ Bałharyi ŭ špijanažy na karyść Rasii. Uznaharoda ŭručajecca za «asablivyja zasłuhi ŭ sadziejničańni miru, siabroŭstvu, supracoŭnictvu i ŭzajemnaj pavazie pamiž narodami», pieradaje Radyjo Svaboda.
Abvinavačvańni Malinavu pradjaŭlenyja ŭ vieraśni. Hienieralny prakuror Bałharyi Sacirr Cacaraŭ tady zajaŭlaŭ, što, pa dadzienych śledstva, Malinaŭ, jaki supracoŭničaŭ ź dźviuma rasijskimi arhanizacyjami, pieradavaŭ im źviestki, jakija ŭjaŭlajuć saboj dziaržaŭnuju tajamnicu. Havorka išła, u pryvatnaści, pra tavarystva «Dvuchhałovy aroł», jakoje ŭznačalvaje rasijski biznesmien Kanstancin Małafiejeŭ, jaki, pa šerahu paviedamleńniaŭ, finansavaŭ antyŭkrainskija ŭzbrojenyja vystupy ŭ Krymie i na ŭschodzie Ukrainy.
Były deputat bałharskaha parłamienta Malinaŭ niaredka vystupaŭ z prarasiejskimi zajavami, jon vitaŭ anieksiju Rasiejaj Kryma i vystupaŭ suprać siabroŭstva Bałharyi ŭ NATA.
Malinaŭ byŭ adpuščany sudom pad zakład. Jamu byŭ zabaronieny vyjezd z krainy. Adnak, jak paviedamlaje Bałharskaja słužba Radyjo Svaboda, sudździa dazvoliŭ jamu pakinuć Bałharyju na pieryjad z 1 pa 5 listapada, kab uziać udzieł u mierapryjemstvach Rasijskaha fondu miru i Mižnarodnaha słavianskaha sajuza. Mikałaj Malinaŭ taksama ŭziaŭ udzieł u tok-šou na telekanale Rasija-24, nazvaŭšy ŭručeńnie jamu ŭznaharody reakcyjaj na niadaŭni špijonski skandał.
