Novyja elektraciahniki, vyrablenyja ZAT «Štadler Minsk» dla Minskaha mietrapalitena, pačnuć pieravozić pasažyraŭ na druhoj (Aŭtazavodskaj) linii staličnaj padziemki ŭ pieršym kvartale 2020 hoda. Pra heta siońnia paviedamiŭ žurnalistam dyrektar «Minskaha mietrapalitena» Uładzimir Sotnikaŭ, pieradaje BIEŁTA.
U studzieni 2017 hoda kiraŭnictva Minskaha mietrapalitena i «Štadler Minsk» padpisali dahavor na pastaŭku dziesiaci ciahnikoŭ mietro dla stalicy: šaści čatyrochvahonnych i čatyroch piacivahonnych ciahnikoŭ. Pry hetym zadziejničany kredytnyja resursy bankaŭ pad harantyi Minharvykankama. U hetym hodzie šeść ciahnikoŭ pavinny pastupić u karystańnie staličnaj padziemki, astatnija čatyry buduć pastaŭleny ŭ 2020 hodzie ŭ adpaviednaści z hrafikam.
Dva sastavy ŭžo znachodziacca ŭ elektradepo «Mahiloŭskaje», treci pierahoniać siudy siońnia nočču. Pa słovach dyrektara «Štadler Minsk» Filipa Brunier, jašče try čatyrochvahonnyja ciahniki pastaviać na praciahu miesiaca.
