Palitechnołah Alina Nahornaja mahła b prahałasavać na hetych vybarach dvojčy, ale nie zrabiła hetaha nivodnaha razu.
«U mianie prosta časovaja rehistracyja ŭ Rahačoŭskim rajonie i stałaja rehistracyja ŭ Słucku. Ja atrymała zaprašeńnie na hałasavańnie i tam, i tam. Cikava, što časovaja rehistracyja nie daje mahčymaści karystacca śviatłom i hazam pa toj canie, jakoj karystajucca tyja, chto stała zarehistravany. Ale hałasavać voś možna», — raskazała Nahornaja NN.
Na ŭčastku dla hałasavańnia ŭ Słucku jana pabyvała ŭčora, a ŭ Rahačoŭskim rajonie ŭ asnoŭny dzień hałasavańnia — 17 listapada. Tym nie mienš, u hałasavańni jana nie ŭdzielničała. Z abodvuch učastkaŭ źniesła biuleteni.
«U Słucku ja ŭkinuła ŭ skryniu papierku, dzie byŭ zaklik paŭdzielničać u sapraŭdnych vybarach na sajcie 1920.by. Tam abirajecca varyjant pomnika słuckim paŭstancam», — raskazvaje palittechnołah.
Takim čynam, paŭtorny ŭdzieł u vybarach dla spadaryni Nahornaj kaštavaŭ 12 rubloŭ — heta cana časovaj rehistracyi. «Atrymlivajecca, što možna znajści 109 siabroŭ z roznych akruhaŭ, u ich časova zarehistravacca i sabrać kalekcyju biuleteniaŭ», — žartuje Alina.
