14 śniežnia 2019 hoda ŭ Minsku adbudziecca jubilejnaja kanfierencyja «Startap hoda», dzie buduć padviedzieny vyniki 10 hadoŭ startap-ruchu ŭ Biełarusi. Arhanizatar kanfierencyi — centr «Startap Technałohii». Aficyjnym partnioram mierapryjemstva vystupaje MTBank.
«Startap hoda» — štohadovaja mižnarodnaja kanfierencyja dla technałahičnych pradprymalnikaŭ i inviestaraŭ. Heta ŭnikalnaja placoŭka, dzie startapy sustrakajucca ź inviestarami, pierajmajuć praktyki paśpiachovych pradprymalnikaŭ z roznych krain, prezientujuć svaje prajekty na vialikaj scenie prestyžnaha konkursu startapaŭ.
Najbolš čakanaja častka mierapryjemstva — mižnarodny konkurs startapaŭ «Startap hoda». Dadzieny farmat byŭ «padhledžany» ŭ Silikonavaj dalinie i pryviezieny ŭ Biełaruś centram «Startap Technałohii» ŭ 2009 hodzie. Mierapryjemstvy centra Startup Weekend, Invest weekend, jakija stali ŭžo kultavymi, dapamahli realizavać prajekty sotniam IT-pradprymalnikaŭ va ŭsich kutkach našaj krainy. Z tych časoŭ farmat vystupleńniaŭ startapaŭ pierad žury, u skład jakoha ŭvachodziać patencyjnyja inviestary i ekśpierty rynku, staŭ nieadjemnaj častkaj usich startap-kanfierencyj, jakija prachodziać u našaj krainie.
Aŭtary prajektaŭ čakajuć «Startap hoda», tamu što dla ich heta miesca siły. Na placoŭkach centra «Startap Technałohii» zaradzilisia viadomyja biełaruskija startapy, siarod jakich Maps.me, PandaDoc, RocketBody i mnohija inšyja. Tut znajšli inviestaraŭ dziasiatki startapaŭ. Nie dziŭna, što na mierapryjemstvach centra «Startap Technałohii» naradžajucca zornyja kamandy, bo ekśpiertami mierapryjemstvaŭ vystupajuć mnohija talenavityja technałahičnyja pradprymalniki, takija jak Źmicier Hurski, Cimafiej Lipski, Uładzimir Chalaźnikaŭ i inšyja.
Na kanfierencyi «Startap hoda» možna sustreć inviestaraŭ ź Silikonavaj daliny, Izraila, Hiermanii, Kitaja, Ukrainy, Polščy, Rasii i inšych krain. Heta prafiesijnyja inviestary, jakija šukajuć startapy dla inviestavańnia.
Arhanizatary kanfierencyi pakłapacilisia ab tym, kab kožny ŭdzielnik znajšoŭ tut partnioraŭ. Dla hetaha praduhledžana 5 farmataŭ netvorkinhu. I tolki na kanfierencyi «Startap hoda» za adzin dzień možna znajści dla siabie adkaz: ci stanie novy biznes paśpiachovym startapam ci nie?
U asnovie technałahičnaha pradprymalnictva lažyć inavacyjnaja ideja, jakaja daje biznesu ŭstojlivuju kankurentnuju pieravahu, tamu na kanfierencyi «Startap hoda» ekśpierty padrabiazna abmiarkujuć hłabalnyja trendy 2020 hoda, jakija ŭ chutkim časie źmieniać biznes-asiarodździe i spažyviecki popyt da niepaznavalnaści. Śpikiery kanfierencyi padzielacca sposabami analizu trendaŭ i prymianieńnia atrymanych dadzienych u biznesie.
«Kali my prymali rašeńnie vystupić partnioram kanfierencyi «Startap hoda», my źviarnuli ŭvahu na padabienstva našaha padychodu i pamknieńniaŭ technałahičnych pradprymalnikaŭ. Žadańnie raźvivacca, stvarać paśpiachovyja pradukty i adkazvać na vykliki rynku — usio heta dazvalaje dasiahać pośpiechu. Pieramahaje toj, chto nie baicca ruchacca napierad», — adznačyła dyrektar pa małym i siarednim biznesie ZAT «MTBank» Volha Cura.
Pa słovach zasnavalnika kanfierencyi «Startap hoda», dyrektara centra «Startap Technałohii», inviestara Alaksieja Šabłoŭskaha na styku tradycyjnaha pradprymalnictva i śfiery infarmacyjnych technałohij kryjecca załataja žyła. U pracesie padrychtoŭki da vystupleńnia na scenie kanfierencyi «Startap hoda» z pradprymalnikami adbyvajucca mietamarfozy: niazładžanyja i niapoŭnyja kamandy startapaŭ pieraŭtvoracca ŭ kampanii z patencyjałam vybuchovaha rostu — lidaraŭ zaŭtrašniaha dnia, jakija realna raźvivajuć ekanomiku, spryjajučy vychadu krainy na novy vitok technałahičnaha raźvićcia.
