Žycharka Uzdy zhubiła sumku z asabistymi rečami, ale ŭ milicyju zajaviła, što na jaje napali i abrabavali, paviedamlaje Śledčy kamitet.
Zajava ab rabavańni pastupiła ŭ milicyju napiaredadni navahodnich śviataŭ. Žančyna raskazała, što na jaje napali, kali jana viečaram viartałasia dadomu. Nieviadomyja nibyta vykrali jaje sumku z hrašyma i inšymi rečami.
Adnak vyśvietliłasia zusim inšaje: sumku žančyna zhubiła, kali išła nočču dadomu sa svaimi znajomymi paśla raśpićcia śpirtnych napojaŭ. Ź ich słoŭ, žančyna była pjanaja i nieadnarazova spatykałasia. Praŭda, svajakam i śledčamu jana raspaviała inšuju historyju.
U dačynieńni da žančyny raspačata kryminalnaja sprava pa č.1 art.400 (zaviedama iłžyvy danos ab ździajśnieńni złačynstva) Kryminalnaha kodeksa.
Torbu paźniej znajšli ŭ dvary.
