BiełTA
Pra heta zajaviŭ siońnia žurnalistam pieršy vice-premjer Dźmitryj Kruty pa vynikach narady ŭ kiraŭnika krainy, pieradaje BIEŁTA.
«Niejkich novych niuansaŭ pieramovaŭ z Rasijskaj Fiederacyjaj u nas na siońniašni dzień niama. My pa-raniejšamu prytrymlivajemsia pazicyi, što va ŭmovach realizacyi padatkovaha manieŭru i štohadovaha pavieličeńnia koštu nafty dla Biełarusi za košt pamianšeńnia mytnaj pošliny płacić premiju rasijskim naftavym kampanijam u tym pamiery, u jakim my damaŭlalisia heta rabić u 2011 hodzie, siońnia nie maje nijakaha sensu. Heta prosta ekanamična niemetazhodna», — padkreśliŭ Dźmitryj Kruty.
Pavodle jaho słoŭ, rasijskija partniory «pakul nie chočuć ruchacca nakont pamieru hetaj premii». Nasustrač tut pajšła tolki kampanija Michaiła Huceryjeva «Słaŭnafta». «Idzie pieramoŭny praces. My razasłali ŭsim svaje prapanovy. Ličyć, što ad biełaruskaha rynku ŭ lubym vypadku admachnucca prosta tak vielmi składana: my źjaŭlajemsia bujnym spažyŭcom rasijskaj nafty (prykładna 10% rasijskaha ekspartu)», — źviarnuŭ uvahu pieršy vice-premjer.
Urad praciahvaje adpracoŭvać schiemu alternatyŭnych pastavak nafty, vyvučajucca ŭsie mahčymyja varyjanty. «My razasłali adpaviednyja kamiercyjnyja prapanovy. Usie kamiercyjnyja słužby našych zavodaŭ, Biełaruskaj naftavaj kampanii znachodziacca na pieramovach praktyčna ŭ štodzionnym režymie. Dumaju, tut my taksama chutka atrymajem alternatyŭnyja varyjanty pastaŭki kankretnaj nafty, — dadaŭ Dźmitryj Kruty. — Usie mahčymyja krainy: i Ukraina, i Polšča, i krainy Bałtyi, i Kazachstan, Azierbajdžan. My ciapier zanialisia hetym pytańniem».
