«Biełaruskaja kultura niaredka ŭsprymajecca izalavana ad suśvietnaha i jeŭrapiejskaha kantekstu. My chočam heta źmianić», — tłumačać svaju zvyšzadaču stvaralniki novaj adukacyjnaj płatformy wir.by. Prajekt staŭ finalistam 12-ha konkursu sacyjalnych prajektaŭ Social Weekend.
Što cikavaha budzie źjaŭlacca na hetym sajcie? Lekcyi navukoŭcaŭ i daśledčykaŭ u videa i padkastach, artykuły, hulni i śpiecprajekty pra historyju, linhvistyku, litaraturu, mastactva i mifałohiju. Siarod asnoŭnych temaŭ novaha adukacyjnaha partała — linhvistyka, litaratura, žyvapis, historyja, mifałohija, architektura i kino.
Užo možna prasłuchać siužet Hanny Sieviaryniec pra toje, u jakich umovach Uładzimir Duboŭka pierakładaŭ Šekśpira, razabracca, jak zrazumieć Kafku (tut vam dapamoža kandydat fiłałahičnych navuk Natalla Łamieka), upeŭnicca, što hrafici — heta taksama mastactva (kali vy sumniavalisia, vas pierakanaje Arciom Susłaŭ).
