Za apošnija sutki ŭ macierykovym Kitai karanavirusom zachvareli 394 čałavieki, paviedamlaje Nacyjanalnaja kamisija pa achovie zdaroŭja. Heta minimalny pakazčyk z 23 studzienia, piša RBK.
U Piekinie patłumačyli, što značnaje skaračeńnie kolkaści chvorych (dla paraŭnańnia dniom raniej hety pakazčyk skłaŭ 1693) tłumačycca karekciroŭkaj statystyčnych źviestak. Naprykład, pieršapačatkova mierkavałasia, što ŭ adnym tolki Uchani za sutki zarazilisia bolš za 600 čałaviek. Adnak pierapravierki vynikaŭ pakazała, što ŭ 279 vypadkach dyjahnaz karanavirus nie paćvierdziŭsia.
Pry hetym śmiarotnaść taksama skaraciłasia. Kali ŭ aŭtorak pamierli 132 čałavieki, to ŭ sieradu byli zafiksavanyja 114 śmiarotnych vynikaŭ (108 ź ich u Chubej, pa adnym u Chebej, Šanchai, Fucziań, Šańdun, Šańsi i Juńnań).
Razam z tym stała viadoma pra karanavirus u Iranie, a na japonskim łajniery pamierli dva čałavieki.
