Mižnarodnaja fiederacyja chakieja (IIHF) abmiarkoŭvała pytańnie pra mahčymaje praviadzieńnie čempijanatu śvietu ŭ Sočy ŭ vypadku pieranosu turniru sa Šviejcaryi z-za ŭspyški karanavirusa. Pra heta TASS paviedamiŭ prezident IIHF Rene Faziel.
U suviazi z pahrozaj karanavirusa šviejcarski ŭrad zabaraniŭ pravodzić publičnyja mierapryjemstvy, u tym liku spartyŭnyja, z aŭdytoryjaj bolš za 1000 čałaviek, zabarona ŭviedziena da 15 sakavika. Turnir projdzie ŭ Ciurychu i Łazanie z 8 pa 24 maja.
«Nie tak šmat krain, u jakija my možam pieranieści turnir. Pieranieści čempijanat śvietu budzie vielmi składana, ale, vierahodna, budzie mahčymaść pieranieści jaho ŭ Sočy, taksama jość varyjant ź Biełaruśsiu, — skazaŭ Faziel. — Zaraz my pačynajem vyvučać roznyja varyjanty vyrašeńnia prablemy».
