Rašeńnie ab admienie masavych mierapryjemstvaŭ buduć prymacca pa kožnym kankretnym vypadku, paviedamiŭ ministr achovy zdaroŭja Biełarusi Uładzimir Karanik, piša Interfax.by.
«My ličym, što praviadzieńnie kulturna-masavych mierapryjemstvaŭ varta abmiežavać na čas, pakul usio nie supakoicca i budzie zrazumieła, jak raźvivajecca situacyja ŭ našych susiedziaŭ», — skazaŭ Karanik pa vynikach dakładu kiraŭniku dziaržavy ŭ čaćvier.
Na pytańnie, jakija mienavita mierapryjemstvy buduć adniesieny da masavych, jon adkazaŭ, što «rašeńnie budzie prymacca ŭ kožnym kankretnym vypadku».
Razam z tym kiraŭnik Ministerstva achovy zdaroŭja nie ličyć patrebnym uvodzić karancin va ŭstanovach adukacyi. «JUNISIEF i SAAZ hetaha nie rekamiendujuć, pakolki dzieci nie adnosiacca da hrupy ryzyki, u ich vielmi redka byvajuć ciažkija formy, nulavaja śmiarotnaść», — dadaŭ Karanik.