Valsts policija
Dziaržpalicyja ŭpieršyniu ŭžyła maksimalnaje pakarańnie za parušeńnie patrabavańnia da samaizalacyi: 31-hadovy mužčyna byŭ aštrafavany na 2000 jeŭra, paviedamlaje Delfi.
10 krasavika supracoŭniki palicyi pravodzili pravierku pa miescy žycharstva 30-hadovaha mužčyny, u jakoha raniej byŭ dyjahnastavany Covid-19. Vyśvietliłasia, što jon parušyŭ režym samaizalacyi, pakinuŭ žyllo i źjechaŭ na mašynie. U suviazi sa złosnym parušeńniem patrabavańniaŭ režymu samaizalacyi mužčyna byŭ aštrafavany na maksimalna dapuščalnuju sumu - 2000 jeŭra.
Heta ŭžo nie pieršy bujny štraf u suviazi z patrabavańniami nadzvyčajnaj situacyi ŭ Łatvii. 8 krasavika kampanija z čatyroch čałaviek u Ałukśnie nie vykonvała patrabavańnie zachoŭvać fizičnuju dystancyju. Troje mužčyn byli aštrafavanyja kožny na 150 jeŭra, čaćviorty — na 1000 jeŭra. Jon raniej byŭ nieadnarazova papiaredžany ŭ suviazi z padobnymi parušeńniami i zajaŭlaŭ supracoŭnikam palicyi, što nie budzie vykonvać praviły.
