Ministerstva kultury i turyzmu Turcyi razam z Upraŭleńniem pa spravach relihii rychtujuć rekamiendacyi ab padrychtoŭcy da praviadzieńnia musulmanskich malitvaŭ u sabory Śviatoj Safii ŭ Stambule, pieradaje Hurriyet.
Pavodle haziety, razhladajecca mahčymaść ustalavać u sabory śpiecyjalnuju sistemu aśviatleńnia, pry jakoj padčas nabaženstvaŭ nie buduć bačnyja chryścijanskija mazaiki i freski. Vydańnie ŭdakładniaje, što padčas nabaženstvaŭ łaziernyja promni buduć zaciamniać tvary śviatych padčas nabaženstvaŭ, tady jak ich adzieńnie i inšyja elemienty rośpisaŭ zastanucca bačnymi.
Inšy varyjant praduhledžvaje, što mazaiku budzie zakryvać zasłona, ale hetaja miera nie razhladajecca ŭ jakaści asnoŭnaj, piša Hurriyet. Tureckija ŭłady abiacajuć bieražliva stavicca da fresak i mazaik, kab nie sutyknucca ź niehatyvam z-za nienaležnaha abychodžańnia z histaryčnymi kaštoŭnaściami.
Isłam zabaraniaje vyjavy žyvych istot, bo heta ličycca idałapakłonstvam i supiarečyć asnovie vučeńnia ab čystym adzinabožžy.
Hazieta taksama udakładniaje, što ŭ toj častcy sabora Śviatoj Safii, dzie buduć prachodzić malitvy, dla ich udzielnikaŭ raścielać dyvan. Kab turysty nie nastupali na jaho, ich buduć pravodzić pa śpiecyjalna stvoranym kalidory.
