Pieršy Marš piensijanieraŭ prajšoŭ u stalicy roŭna tydzień tamu. Na hety raz da jaho dałučylisia inšyja harady, naprykład, Brest, paviedamlaje BH.
Kala 50 čałaviek piensijonnaha ŭzrostu, u asnoŭnym žančyn, sabralisia dniom 12 kastryčnika la bresckaha CUMa na akcyju pratestu, jakaja atrymała nazvu Marš piensijanieraŭ.
Niekatoryja prynieśli z saboj kvietki. Niekatory čas ludzi razmaŭlali pamiž saboj, a potym arhanizavanaj kałonaj pajšli ŭ bok vulicy Savieckaj.
Kala 50 žančyn iduć maršam pa Savieckaj ad CUMa. Skandujuć «Svabodu!», «Dałučajsia». Milicyja idzie pobač.
Kala HC «Dzidas Piersija» kałona skandavała «Svabodu Kaleśnikavaj!», «Svabodu Baranoŭskamu!»
Kałona prajšła pa vulicy Puškinskaj, dajšła da hałoŭnaha korpusa BrDU, tam jany praskandavali «Studenty, my z vami», pastajali paŭtary chviliny i pajšli na vulicu Mickieviča da staroha korpusa BrDU. Tut jany razyšlisia. Pavodle papiaredniaj infarmacyi, abyšłosia biez zatrymańniaŭ.
