«Hrodzienski chimik»
Z pačatku hoda z prafkama «Hrodna Azot» vyjšli 940 čałaviek — amal 13% členaŭ arhanizacyi. Niezaležny ž prafsajuz «Azota» sa žniŭnia vyras u 20 razoŭ, paviedamlaje hrodna.life.
«Na pačatak hoda siabrami prafsajuznaha kamiteta AAT «Hrodna Azot» źjaŭlaŭsia 7261 čałaviek, na 1 listapada 2020-ha ŭ pieršasnuju arhanizacyju ŭvachodziać 6321 rabotnik», — raskazaŭ Andrej Ražynski, staršynia prafsajuznaha kamiteta AAT «Hrodna Azot» «Hrodzienskamu chimiku».
Prafkam «Hrodna Azot» — častka «Biełchimprafsajuza», jaki adnosicca da Fiederacyi prafsajuzaŭ Biełarusi.
Pa jaho słovach, hetaja strata asłabiła pierahavornyja pazicyi prafsajuza z najmalnikam pry ŭniasieńni dapaŭnieńniaŭ u kalektyŭnuju damovu. Za 2020 hod było padpisana try takija dadatkovyja pahadnieńni, adnym ź jakich kalektyŭnaja damova była padoŭžana biez vyklučeńnia normaŭ i pałažeńniaŭ, u poŭnym abjomie na try hady ci da zaklučeńnia novaha kalektyŭnaha dahavora.
Druhi, niezaležny, prafsajuz «Hrodna Azot» z pačatku žniŭnia vyras z 20 členaŭ da bolš čym 400.
Pra heta Andrej Chanievič, aparatčyk cecha «Karbamid-3» i staršynia pieršasnaj arhanizacyi Biełaruskaha niezaležnaha prafsajuza na «Hrodna Azot», raskazaŭ «Viečierniemu Hrodno».
Niezaležny prafsajuz arhanizacyi dapamahaje zvolnienym paśla ŭdziełu ŭ stačcy supracoŭnikam «Azota» adstojvać svaje pravy.
