Šviejcaryja 11 śniežnia ŭviała suprać Alaksandra Łukašenki i jašče 14 hramadzianaŭ Biełarusi sankcyi. Jany ŭstupajuć u siłu nieadkładna.
Štrafnyja miery praduhledžvajuć zamarozku aktyvaŭ u Šviejcaryi, a taksama zabaronu na ŭjezd u krainu, havorycca ŭ zajavie, apublikavanaj na sajcie Fiederalnaha savieta Šviejcaryi.
Razam z Alaksandram Łukašenkam pad sankcyi trapiŭ jaho syn Viktar, jaki zajmaje pasadu pamočnika prezidenta pa nacyjanalnaj biaśpiecy. Akramia taho, u sankcyjny śpis uklučanyja kiraŭnik KDB Biełarusi Ivan Cierciel, kiraŭnik Upraŭleńnia MUS Raman Mielnik, pres-sakratarka Łukašenki Natalla Ejsmant, staršynia Kanstytucyjnaha suda Piotr Mikłaševič i inšyja.
Urad Šviejcaryi taksama nakłaŭ embarha na pastaŭku ŭzbrajeńnia ŭ Biełaruś, pakolki jano moža vykarystoŭvacca ŭładami dla pieraśledu pratestoŭcaŭ.
Takim čynam Fiederalny saviet adreahavaŭ na «represii, jakija praciahvajucca ŭ dačynieńni da hramadzianskaj supolnaści i apazicyi ŭ Biełarusi».