24 śniežnia ŭ Połacku ad uskładnieńniaŭ, vyklikanych karanavirusnaj infiekcyjaj, pamior pravasłaŭny śviatar Mark Pulak. Jamu było 35 hadoŭ, paviedamlajuć Narodnyja naviny Viciebska.
Mark Pulak naradziŭsia ŭ 1985 hodzie ŭ Jełhavie (Łatvija), u 1991-m razam z baćkami pierajechaŭ u Biełaruś. Skončyŭ Viciebskuju duchoŭnuju sieminaryju. U san ijereja byŭ paśviečany 28 śniežnia 2014 hoda.
Apošni čas Mark Pulak byŭ nastajacielem prychoda Mikałaja Cudatvorca ŭ vioscy Kalektyŭnaja Połackaha rajona. Zajmaŭsia adnaŭleńniem hetaha chrama, pabudavanaha ŭ siaredzinie XVIII st.
U śviatara zastałosia dvoje dziaciej. Raźvitańnie projdzie 27 śniežnia ŭ chramie vielikamučanika i doktara Pancielajmona ŭ Połacku.
0
0
0
0
0
0