Biełaruś padpisała kantrakty z šeraham bujnych pastaŭščykoŭ nafty ŭ 2021 hodzie, a da kanca hoda buduć padpisanyja ŭsie kantrakty. Ab hetym zajaviŭ premjer-ministr Raman Hałoŭčanka ŭ niadzielu ŭ efiry BT.
«Pa pastaŭkach nafty ŭ Respubliku Biełaruś idzie praces padpisańnia kantraktaŭ z pastaŭščykami. Z šeraham bujnych pastaŭščykoŭ užo padpisany pahadnieńni ab pastaŭcy nafty trubapravodnym transpartam u nastupnym hodzie. Z častkaj jašče iduć uzhadnieńni asobnych drobnych umoŭ, — skazaŭ Hałoŭčanka. — Da kanca hoda absalutna ŭsie kantrakty na pastaŭku nafty ŭ Biełaruś buduć padpisanyja».
Pa słovach Hałoŭčanki, abjom pierapracoŭki nafty na biełaruskich naftapierapracoŭčych zavodach (NPZ) ŭ 2021 hodzie budzie vyznačacca ekanamičnaj metazhodnaściu. «Ale rasijski bok hatovy nam pastavić maksimalny abjom. Kali budzie dla nas vyhadna pierapracoŭvać 18 młn ton — budziem pierapracoŭvać. Heta budzie zaležać ad situacyi na rynku», — skazaŭ jon.
Telehram-kanał Ekanomika adznačaje, što nie prahučała infarmacyi pra canu na naftu dla Biełarusi, a taksama pra los alternatyŭnych — nie z Rasii — pastavak nafty.
