Fota z fejsbuka
28 śniežnia ŭ Lidzie pačaŭsia razhlad kryminalnaj spravy ŭ dačynieńni da aktyvista ź Biarozaŭki, siabra Partyi BNF Vitolda Ašurka, abvinavačanaha pa artykuły 342 č.1 (Udzieł u hrupavych dziejańniach, što hruba parušajuć hramadski paradak) i 364 (Hvałt u dačynieńni da supracoŭnika milicyi) Kryminalnaha kodeksa, paviedamlaje spring96.org.
Biez tłumačeńnia kankretnych pryčyn sudździa Maksim Fiłataŭ abviaściŭ sud zakrytym, spasłaŭšysia na 23 artykuł Kanstytucyi i «pahrozu dziaržaŭnaj biaśpiecy». Niahledziačy na abureńnie vialikaj kolkaści hledačoŭ, što sabralisia, jon admoviŭsia razmaŭlać pa-za miežami pracesualnych dziejańniaŭ i chutka zajšoŭ u sudovuju zału. Supracoŭniki milicyi začynili za im dźviery.
Staršynia suda Viačasłaŭ Macuk taksama admoviŭsia tłumačyć pryčyny zakrytaha pasiadžeńnia, nazvaŭšy heta pravam sudździ.
