Fota z fejsbuka
Kiraŭniku Akademii pres-kłuba, hramadzianinu Rasii Siarhieju Jakupavu, jaki byŭ zatrymany razam ź inšymi supracoŭnikami arhanizacyi, nie było vystaŭlenaje abvinavačvańnie. Siońnia jon vysłany ŭ Rasiju, paviedamiŭ advakat Anton Hašynski, piša Tut.by.
Siarhiej Jakupaŭ dastaŭleny ŭ aeraport pad kanvojem. Siońnia jon byŭ vyzvaleny ź SIZA. Abvinavačvańnie pavodle č. 6 art. 16 i č. 2 art. 243 KK Respubliki Biełaruś (dapamahańnie va ŭchileńni ad vypłaty padatkaŭ) jamu vystaŭlenaje nie było, paviedamiŭ advakat Anton Hašynski.
Ab źmienie miery strymańnia dla Jakupava prasili niekalki bujnych rasiejskich vydańniaŭ. RBK u piśmovym zvarocie na imia kiraŭnika Śledčaha kamiteta prasiŭ źmianić Siarhieju Jakupavu mieru strymańnia na nie źviazanuju z pazbaŭleńniem voli. Vydańnie pakazvała, što jon realizavaŭ paśpiachovyja prajekty dla miedyjachołdynha RBK i zarekamiendavaŭ siabie jak pieršakłasny miedyjastrateh i daśviedčany redaktar. «Upeŭnienyja, što hramadskaj niebiaśpieki Siarhiej nie ŭjaŭlaje i nie maje namieru čynić pieraškody zakonnym śledčym dziejańniam», — havorycca ŭ liście.
31 śniežnia, nahadajem, abvinavačvańni va ŭchileńni ad vypłaty padatkaŭ i dapamahańni ŭ hetym byli vystaŭlenyja zasnavalnicy pres-kłuba Julii Słuckaj, finansavamu dyrektaru pres-kłuba Siarhieju Alšeŭskamu, prahramnamu dyrektaru Ale Šarko, apierataram Piatru Słuckamu i Dzianisu Sakałoŭskamu, siabru KS i byłoj žurnalistcy BT Ksienii Łuckinaj. Jany zastajucca pad vartaj u SIZA numar 1 na vulicy Vaładarskaha. Usie jany byli zatrymanyja 22 śniežnia.
