Ministr sportu i turyzmu Siarhiej Kavalčuk vykazaŭsia pra treniera Mikałaja Kazieku, jaki padpisaŭ list spartoŭcaŭ suprać milicejskaha hvałtu, paśla čaho na jaho pasypalisia represii z boku viedamstva: pazbavili dziaržaŭnaj stypiendyi, adchilili ad zamiežnych vyjezdaŭ kamandy.
— Historyja z hałoŭnym trenieram zbornaj krainy pa frystajle Mikałajem Kaziekam?
— Da jaho tolki adno pytańnie — pjanstva. Złoŭžyvaŭ navat na zborach. Kažu heta, vyvučyŭšy situacyju ŭsiebakova. Vynik vypivańniaŭ — DTZ u Miensku. 2,19 pramile ŭ kryvi! Usie materyjały jość. Jany adpraŭlenyja ŭ Mižnarodny alimpijski kamitet, chaj tam pahladziać — palityčnyja heta matyvy ci nie. Abo hałoŭnamu trenieru dazvolena toje, što zvyčajnamu hramadzianinu nielha?
Kazieka napisaŭ list na imia prezidenta z prośbaj viarnuć jamu paśviedčańnie kiroŭcy, maŭlaŭ, heta pieršy vypadak, nikoli takoha nie było, usio zrazumieŭ i raskajaŭsia. A my zrabili zapyt u MUS. Vyśvietliłasia: u 2019 hodzie — 15 administracyjnych parušeńniaŭ z vykarystańniem aŭtamabila! Pieravyšeńnie chutkaści, prajezd na čyrvonaje śviatło, parkoŭka ŭ nienaležnym miescy i ŭžyvańnie śpirtnych napojaŭ. Voś vam i vynik, — skazaŭ Kavalčuk.
