Treciaja vakcyna «KaviVak», RH
Pra heta zajaviŭ prezident Rasii Uładzimir Pucin na pasiadžeńni Savieta pa navucy i adukacyi, tranślacyju jakoha viadzie telekanał «Rasija 24», piša RBK.
«Dziakujučy našym navukoŭcam, Rasija zajmaje lidzirujučyja pazicyi ŭ śviecie, nie skažu ciapier ničoha niečakanaha i novaha, usie my pra heta viedajem, zajmaje lidzirujučyja pazicyi ŭ śviecie ŭ stvareńni vakcyny ad karanavirusa», — skazaŭ Pucin.
Jon padkreśliŭ, što Rasija źjaŭlajecca adzinaj krainaj, jakoj udałosia raspracavać adrazu try vakcyny. Jon adznačyŭ, što heta «bujny navukovy pośpiech».
U Rasii da ciapierašniaha momantu zarehistravanyja dźvie vakcyny suprać COVID-19. Pieršym rehistracyju prajšoŭ dvuchkampanientny preparat pad nazvaj «Spadarožnik V», raspracavany Centram imia Hamalei.
Druhoj na rynak vyjšła vakcyna «EpiVakKarona» ad centra «Viektar». Prymianieńnie «Spadarožnika V» na svajoj terytoryi ŭchvalili ŭžo 12 krain, u tym liku i Biełaruś. U Biełarusi vakcynacyja «Spadarožnikam V» pačałasia ŭ kancy śniežnia, ciapier pryščaplajuć niekatoryja katehoryi miedykaŭ.
Vychad treciaj vakcyny «KaviVak» ad centra imia Čumakova ŭ hramadzianski abarot čakajecca ŭ lutym.
