Apazicyjanier Alaksiej Navalny budzie adbyvać pakarańnie ŭ papraŭčaj kałonii №2 u horadzie Pakroŭ Uładzimirskaj vobłaści. Pra heta paviedamiła vydańnie yarnovosti.com sa spasyłkaj na krynicu ŭ Fiederalnaj słužbie vykanańnia pakarańniaŭ.
Krynica «Miedyjazony» paviedamiła, što palityk jašče ŭ piatnicu, 26 lutaha, byŭ va Uładzimirskaj vobłaści i što jaho viazuć u VK-2.
U hetaj ža kałonii adbyvaŭ pakarańnie aktyvist Kanstancin Kotaŭ, asudžany pa tak zvanym «dadzinskim» artykule, paviedamlaje meduza.io.
25 lutaha stała viadoma, što Navalnaha etapavali ź SIZA «Matroskaja cišynia». U jakuju mienavita kałoniju, nie paviedamlałasia. U kałonii jon pavinien pravieści 2,5 hoda. Navalny byŭ zatrymany 17 studzienia, kali viartaŭsia ź Bierlina ŭ Maskvu.
