U liście Čajčyc daje parady, jak treba stavicca da tych advakataŭ, chto vykazvaje pryncypovuju pazicyju ab situacyi z pravam u krainie.
Viktar Čajčyc na Kruhłym stale Juryja Vaskrasienskaha, fota Nadziei Bužan
«Advakatam pry publičnych vystupleńniach varta vykarystoŭvać tolki dakładnuju infarmacyju, paźbiahajučy krytyki ŭ dačynieńni hramadzian i arhanizacyj, nie zasnavanaj na zakanadaŭstvie, aficyjnych statystyčnych dadzienych i rašeńniach sudoŭ», — raić Čajčyc.
«U vystupleńniach na spravazdačnych kanfierencyjach advakataŭ źviartałasia ŭvaha na toje, što asobnyja advakaty ŭ svaich publikacyjach pierašli miažu dazvolenaha, a astatnija advakaty ŭ bolšaści na heta nie reahujuć», — aburajecca jon tymi, jakija žyvuć, u jaho razumieńni, pa pryncypie «maja chata z kraju».
«Advakaty krajnie inertnyja, nichto nie spyniaje tych, chto zajmajecca ŭłasnym pijaram ŭ škodu nie tolki svajmu klijentu, ale i advakatury ahułam. Heta daje nahodu dziaržaŭnym orhanam ličyć, što tak, jak padajuć infarmacyju asobnyja advakaty, ličać usie ci padaŭlalnaja bolšaść. Mahčyma, mienavita hety fakt i źjaviŭsia nahodaj dla ŭzmacnieńnia ŭpłyvu z boku dziaržavy na advakackuju dziejnaść», — havorycca taksama ŭ liście.
Naprykancy dajucca rekamiendacyi jak dziejničać.
«Radam terytaryjalnych kalehij advakataŭ aktyvizavać rabotu pa padrychtoŭcy publikacyj ab stanoŭčym imidžy advakata, važnaści vykanańnia Pravił prafiesijnaj etyki, a taksama ab tym, jak niapravilnyja pavodziny adnaho advakata ŭpłyvajuć na aŭtarytet usiaho instytuta», — piša Čajčyc, vystaŭlajučy dedłajny dla publikacyj kožnaj kalehii.
Tym časam pryncypovyja advakaty, jakija adstojvajuć pryncypy prava i zakonnaści, abaraniajuć zatrymanych i asudžanych pa palityčnych pryčynach, mietadyčna pazbaŭlajucca licenzij.
