s13.ru
Pieršaje sudovaje pasiadžeńnie pa spravie dekaratyŭnaha hnomika z bčb-ściaham na aknie adbyłosia ŭ lutym.
Śviedkaj pa administracyjnaj spravie prachodziła Volha Bondarava, aktyvistka ruchu «Antyvandał». Ź jaje słoŭ, adnojčy na prahułcy na aknie adnaho sa šmatpaviarchovikaŭ jana ŭbačyła dekaratyŭnaha hnomika z bčb-ściaham. Žančyna zrabiła fotazdymak cacki i vyklikała narad milicyi.
Na ŭładalnika kvatery Juryja Jaraša byŭ składzieny pratakoł. Haradzienca abvinavacili ŭ parušeńni artykuła 23.34 KaAP RB. Pavodle abvinavačvańnia, mužčyna pravioŭ adzinočny pikiet, vystaviŭšy na padvakońnie svajoj kvatery dekaratyŭnaha hnomika z bčb-ściaham.
s13.ru
Adnak na pasiadžeńni sudździa Špak viarnuŭ spravu ŭ AUS Kastryčnickaha rajona na dapracoŭku ŭ suviazi z tym, što ŭ pratakole majucca niedakładnaści i niedapracoŭki, častka ksierakopii materyjałaŭ nie zavieranyja, niekatoryja ź ich nie čytajucca zusim.
Siońnia adbyłosia čarhovaje sudovaje pasiadžeńnie, na jakim sudździa Špak pryniaŭ rašeńnie zakryć administracyjny praces pa hetaj spravie ŭ suviazi sa skončanym terminam pravaparušeńnia.
Śviedka Bondarava na praces nie pryjšła.