«U apošnija dni zapytaŭ nie było», — skazaŭ Piaskoŭ.
Piaskoŭ adznačyŭ, što niama ŭpeŭnienaści ŭ tym, što Pucin aznajomiŭsia z hetaj idejaj Zialenskaha z-za rabočych sustreč, a taksama z-za padrychtoŭki da pasłańnia Fiederalnamu schodu.
20 krasavika Zialenski zapisaŭ videazvarot z prapanovaj Pucinu sustrecca na Danbasie. Pavodle jaho słoŭ, na pasiadžeńni palityčnych daradcaŭ «narmandskaj čaćviorki» vysunuli prapanovu sustrecca na linii sudakranańnia ŭ Danbasie, kab maksimalna ŭbačyć i zrazumieć situacyju.
«A što ž mnie razumieć? Ja vydatna razumieju, ja tam byvaju kožny miesiac. Spadar Pucin, ja hatovy pajści jašče dalej i prapanavać vam sustrecca ŭ lubym punkcie ŭkrainskaha Danbasa, dzie idzie vajna», - skazaŭ Zialenski.