Fota Depositphotos.com
Sankcyi, chutčej za ŭsio, buduć datyčycca kaliju, paviedamiŭ čynoŭnik na ŭmovach ananimnaści. Kalijnyja ŭhnajeńni — asnoŭny ekspart Biełarusi, jaki zabiaśpiečvaje značnuju dolu popytu jeŭrapiejskich krain. Akramia hetaha, pad sankcyi moža trapić «Biełavija».
ES užo pracuje nad tym, kab papoŭnić sankcyjny śpis asobami, jakija mieli dačynieńnie da incydentu z Ryanair. Miarkujecca, što śpis budzie zaćvierdžany 21 červienia.
Mnohaje budzie zaležać ad charaktaru sankcyj. Naprykład, kali biełaruskaj kalijnaj pramysłovaści abmiažujuć kredyty ŭ jeŭrapiejskich bankach, to heta nie budzie vyklikać asablivych pieraškod na rynku, bo Biełaruś moža skarystacca alternatyŭnymi krynicami finansavańnia.
Adnak bolš surjoznyja miery, naprykład, zabarona jeŭrapiejskim kampanijam handlavać ź biełaruskimi vytvorcami kalijnych uhnajeńniaŭ, buduć mieć bolš značnyja nastupstvy.
Chutčej za ŭsio, u takim vypadku budzie naziracca karotkaterminovy rost cen na kalij u Jeŭropie, bo Biełaruś zabiaśpiečvaje 25% popytu ES. Ale ŭ jeŭrapiejskich krainach situacyja musić chutka narmalizavacca, bo niedachop zmohuć zapoŭnić rasijskija vytvorcy nakštałt Urałkaliju.
Dla Biełarusi nastupstvy buduć kudy bolš surjoznyja, bo Biełaruśkalij — adna z najbujniejšych dziaržaŭnych kampanij i suśvietny vytvorca kalijnych uhnajeńniaŭ, jaki zabiaśpiečvaje značnuju častku ekspartnaj vyručki Biełarusi.
