«Ciaham doŭhaha času ŭ vypraŭlenčaj kałonii adkrytaha typu №17 adbyvajecca kapitalny ramont. Ludzi, jakija tut adbyvajuć pakarańnie, uvieś hety čas sutykajucca z prablemami, bo budaŭničaja arhanizacyja nie varušycca zusim nijak.
U toj momant, kali stajała nievynosnaja śpioka, jany źniali pakryćcio dachu. Ale zamiest taho, kab zajmacca im, pačali zajmacca fasadam. A kali pačalisia daždžy, hety adkryty dach staŭ praciakać i licca vadaspadam, zataplivajučy kalidory i pakoi, u jakich žyvuć ludzi.
U vyniku trapleńnia vady ŭ pravodku ciapier niama elektryčnaści, ladoŭni razmarožvajucca. Plity tut elektryčnyja, tamu niama mahčymaści hatavać ježu. Adsutničaje haračaja vada. Nikoha z pradstaŭnikoŭ budaŭničaj arhanizacyi niama, i nijakich zachadaŭ pa vypraŭleńni situacyi nie robicca», — napisaŭ nam viazień.
«Naša Niva» źviarnułasia pa kamientar u pres-słužbu MUS. Volha Čamadanava zapeŭniła, što spačatku spraŭdzić infarmacyju.
Paśla hetaha jana dała nastupny adkaz: «Na fota nastupstvy daždu, jaki prajšoŭ pa ŭsioj krainie ŭ papiarednija try dni».
Razam z hetym, pa słovach viaźnia, jaki dasłaŭ infarmacyju, siońnia ž načalnik vypraŭlenčaj kałonii «maksimalna prykłaŭ namahańni dla chutkaha adnaŭleńnia dachu, a taksama kab adnavić padaču elektryčnaści na kuchni i ŭklučyć chaładzilniki. Taksama arhanizavali haračaje charčavańnie — zvadzili ludziej u stałovuju». Heta adbyłosia paśla abiedu, bližej da 16-j hadziny, što pa časie supadaje sa zvarotam u Ministerstva.
Da zaŭtra kiraŭnictva kałonii paabiacała padklučyć elektryčnaść u pakojach.
