Voś što skazała palityk: «Ja vielmi ŭdziačnaja vam za toje, što vy robicie ŭsie hetyja miesiacy. Dziakuj za toje, što vy pracujecie z narviežskimi palitykami, ambasadami, MZS i Yara — heta vializnaja dapamoha. Dziakuj za vašu pracu ź miedyja, za knižny kłub i dni biełaruskaha kino — heta niejmavierna važna.
Viedajecie, jak i vam, mnie vielmi baluča za toje, jakoj canoj nam daŭsia apošni hod, i za toje, što hetaja cana stanovicca bolšaj. Ale za hod my abjadnalisia ŭsim hramadstvam i adčuli siabie adzinym narodam.
I ŭpieršyniu va ŭsich nas jość nie čyjo-niebudź čužoje, a naša ŭłasnaje ŭjaŭleńnie, u jakoj krainie my chočam žyć, jakuju budučyniu my marym pabudavać dla svaich dziaciej i ŭnukaŭ.
Viedajecie, usie hetyja miesiacy ja kazała, što novaja Biełaruś nastupić paśla pieramien, paśla novych vybaraŭ. Ale ž novaja Biełaruś užo žyvie ŭ nas unutry. Jana ŭ kožnym vašym ściahu, u kožnym maleńkim achviaravańni na dapamohu aktyvistam, u kožnaj paštoŭcy, jakuju vy dasyłajecie za kraty», — skazała palityk.
