TASS
Za apošnija sutki ŭ Rasii pamierli 1106 čałaviek, zaražanych karanavirusam, paviedamlaje apieratyŭny štab pa baraćbie ź infiekcyjaj. Heta rekordny pakazčyk za ŭvieś čas pandemii, papiaredni maksimum fiksavali ŭ minułuju subotu — 1075 śmierciaŭ.
Kolkaść śmierciaŭ, źviazanych z karanavirusam, pieravyšaje 1 tysiaču ŭžo vośmy dzień zapar.
Bolš za ŭsio pamierłych u Maskvie — 86 (napiaredadni było 83), u Pieciarburhu pamierli 72 čałavieki, u Krasnadarskim krai — 40.
Na hetym tydni ŭ Rasii pačynajuć dziejničać niepracoŭnyja dni: z 30 kastryčnika pa ŭsioj krainie, z 28 kastryčnika — u Maskvie. U niekatorych rehijonach hety režym ustupiŭ u siłu jašče ŭ paniadziełak.
U Maskvie i Pieciarburhu budzie abvieščany častkovy łakdaŭn — heta aznačaje, što buduć pracavać tolki charčovyja kramy, apteki, pryščepačnyja punkty i niekatoryja inšyja arhanizacyi. Restarany, kafe i bary zakryjuć da 7 listapada.