AFP/Getty Images
«U pytańniach pastavak hazu my pavinny maksimalna vykarystoŭvać našy adnosiny z krainami-pastaŭščykami — dziaržavami Afryki, Narviehijaj, Rasijaj, i my nie dazvolim Łukašenku zapałochać nas svaimi pahrozami», — zajaviŭ jeŭrakamisar pa enierhietycy Paoła Dženciłoni na pres-kanfierencyi ŭ Bruseli ŭ čaćvier, paviedamlaje Deutsche Welle.
Dženciłoni paćvierdziŭ, što pytańni biaśpieki pastavak hazu ŭ krainy ES buduć uklučany ŭ abaronnuju kancepcyju Jeŭrasajuza pad nazvaj «stratehičny kompas ES», jakaja budzie zaćvierdžana ŭ budučym hodzie.
U sieradu na naradzie z Saŭminam Łukašenka pryhraziŭ Jeŭrasajuzu pierakryć tranzit hazu ŭ Jeŭropu pa transnacyjanalnym hazapravodzie «Jamał-Jeŭropa» u tym vypadku, kali ES pašyryć sankcyi suprać jaho krainy praz kanflikt vakoł mihrantaŭ na biełaruska-polskaj miažy.
«My abahravajem Jeŭropu, jany nam jašče pahražajuć, što zakryjuć miažu. A kali my pierakryjem pryrodny haz tudy? Tamu ja b kiraŭnictvu Polščy, litoŭcam i inšym biezhałovym parekamiendavaŭ dumać pierš, čym kazać. Ale heta ich sprava. Začyniać — niachaj začyniajuć. Ale MZS pavinien papiaredzić usich u Jeŭropie: kali tolki jany ŭviaduć nam dadatkovyja sankcyi «niepieravaranyja» — nieprymalnyja dla nas, my pavinny adkazvać», — skazaŭ u čaćvier Łukašenka.
Łukašenka pryhraziŭ pierakryć haz u Jeŭropu
