Fota Viačasłava Curanava, «Minskaja praŭda»

Fota Viačasłava Curanava, «Minskaja praŭda»

Havorka idzie pra budynak 1954 hoda na vulicy Vaładarskaha, jaki maje status historyka-kulturnaj kaštoŭnaści. Raniej tut častkova znachodziŭsia Viarchoŭny sud, pakul nie pierajechaŭ u pampiezny budynak na vulicy Arłoŭskaj. Niahledziačy na toje, što ekanamičny sud zaniaŭ miesca suda ž, niamała srodkaŭ patracili na rekanstrukcyju i ramont budynka.

Jak adznačaje «Minskaja praŭda», pry azdableńni fasada vykarystoŭvali materyjały, anałahičnyja pa ŭłaścivaściach histaryčnym, budaŭniki ŭznavili elemienty architekturnaha dekoru. 

Ciapier u budynku vosiem załaŭ dla sudovych pasiadžeńniaŭ, jakija abstalavanyja sistemaj aŭdyja- i videafiksacyi. Zastajecca tolki spadziavacca, što sistema budzie pracavać, u Domie pravasudździa na vulicy Siamaški, dzie znachodziacca try rajonnyja sudy, hukaŭzmacnialnaja aparatura nie pracuje voś užo niekalki hod. Pa słovach supracoŭnikaŭ, jana pieršapačatkova była zroblenaja niapravilna.

Kolki kaštavaŭ biudžetu ramont budynka na Vaładarskaha? Bolš za 10,7 młn rubloŭ, abo 4,3 młn dołaraŭ. Adznačajecca, što ciapier u budynku jość biezbarjernaje asiarodździe dla ludziej z abmiežavanaj mabilnaściu. 

Staršynia Viarchoŭnaha suda Valancin Sukała zajaviŭ, što šmat chto pretendavaŭ na budynak u centry Minska, ale było vyrašana, što siudy pierajedzie ekanamičny sud Minskaj vobłaści, jaki da hetaha zajmaŭ niekalki pavierchaŭ u budynku kala stancyi mietro Partyzanskaja. 

«My hanarymsia budynkam, vy sami čuli, kolki heta kaštuje! — zajaviŭ Sukała na adkryćci. — Tym nie mienš, Viarchoŭny sud adšukaŭ srodki i mahčymaść».

Nahadajem, što novy budynak dla Viarchoŭnaha suda, jaki adkryli ŭ 2019-m, kaštavaŭ kala 77 młn dołaraŭ, hrošy brali z respublikanskaha biudžetu i biudžetu Minska, u inviestaraŭ (naprykład, 2 młn dołaraŭ uziali ŭ iranskaj kampanii «Kiejsan», jakaja na vosiem hod zatrymlivaje zdaču ambicyjoznaha kompleksa «Mahnit Minska»). 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?