Fota: Pasienis.lt.
30 śniežnia litoŭskija pamiežniki zatrymali jašče dźvie partyi biełaruskich cyharet. Abiedźvie byli adpraŭlenyja ź Biełarusi na samarobnych płytach, zamaskavanych pad kryhi.
Unačy ŭ čaćvier pamiežniki ŭ Druskienikach zaŭvažyli padazrony abjekt, jaki płyvie ŭ Niomanie. Kali jaho vyłavili, akazałasia, što heta samarobny płyt z cyharet z prymacavanym da jaho GPS-trekieram. Kanstrukcyja była pakryta śnieham i lodam, kab nadać joj padabienstva z kryhaj. Druhi taki ž płyt vyłavili z raki krychu paźniej. Usiaho było kanfiskavana 4 tysiačy biełaruskich cyharet Minsk Capital koštam bolš za 14 tysiač jeŭra, paviedamlaje litoŭskaja pamiežnaja słužba.
Dzieviać takich ža płytoŭ litoŭcy pierachapili na kaladnych vychodnych. Musić, biełaruskija kantrabasisty spadziavalisia, što letuvisy na śviaty buduć hulać.
