Tak, vypuskniki ŭstanoŭ ahulnaj siaredniaj adukacyi buduć zdavać vynikovyja ispyty pa adnoj ź dziaržaŭnych moŭ i matematycy ŭ formie centralizavanaha ekzamiena.
Ciapier u 11-m kłasie zdajuć matematyku, biełaruskuju abo ruskuju movy (na vybar), a taksama zamiežnuju movu i historyju Biełarusi.
U suviazi z hetym ustanoŭlena, što pastupleńnie ŭ VNU z 2023 hoda budzie ažyćciaŭlacca na padstavie siertyfikataŭ centralizavanaha ekzamiena, vynikaŭ centralizavanaha testavańnia (pa profilnych pradmietach), a taksama siaredniaha bała dakumienta ab adukacyi, paviedamlaje «Źviazda».
Taksama ŭ novych redakcyjach Kodeksa i Praviłaŭ pryjomu istotna pašyrajucca mahčymaści metavaj padrychtoŭki śpiecyjalistaŭ jak formy dziaržaŭnaha zakazu. Kali raniej jana raspaŭsiudžvałasia tolki na peŭnyja nasielenyja punkty (čarnobylskija, sielskija rehijony, harady z nasielnictvam da 20 tysiač), to ciapier taki dahavor moža zaklučyć arhanizacyja-zakazčyk kadraŭ, jakaja znachodzicca ŭ lubym punkcie Biełarusi.
Pry hetym płanujecca, što dla pastupleńnia na ŭmovach metavaj padrychtoŭki z 2023 hoda abituryjent budzie zdavać unutrany ŭstupny ispyt (vusny ekzamien), jaki dazvolić «ubačyć» i pravieści adbor matyvavanych abituryjentaŭ.
U 2023 hodzie pačnuć dziejničać normy ab pavieličeńni va ŭstanovach vyšejšaj adukacyi kolkaści biudžetnych miescaŭ na ŭmovach metavaj padrychtoŭki śpiecyjalistaŭ pa sielskahaspadarčych śpiecyjalnaściach — da 70 pracentaŭ ad kantrolnych ličbaŭ pryjomu, pa miedycynskich — da 80 pracentaŭ, pa inšych śpiecyjalnaściach — da 60 pracentaŭ.
U metach adboru najbolš padrychtavanych, matyvavanych abituryjentaŭ praduhledžvajecca šerah ilhot: z 2022 hoda — dla vypusknikoŭ spartyŭna-piedahahičnych i vajenna-patryjatyčnych kłasaŭ, a z 2023 hoda — dla pieramožcaŭ Respublikanskich i ŭnutryŭniviersiteckich alimpijad, Nacyjanalnaha dziciačaha technaparku.
Pastupleńnie ŭ Akademiju kiravańnia z 2023 hoda budzie ažyćciaŭlacca ŭ asablivym paradku.
Pry pastupleńni va ŭstanovy siaredniaj śpiecyjalnaj adukacyi zaličeńnie abituryjentaŭ budzie ažyćciaŭlacca pa konkursie siaredniaha bała dakumienta ab adukacyi.