Vajenny kamisar Homielskaj vobłaści, za «abrazy» jakoha ciapier sudziać ludziej.

Vajenny kamisar Homielskaj vobłaści, za «abrazy» jakoha ciapier sudziać ludziej.

Homielski abłasny sud 10 lutaha asudziŭ 36-hadovaha žychara Rečycy Ihara Kraŭcova da troch z pałovaj hadoŭ kałonii va ŭmovach ahulnaha režymu za abrazu ŭ kamientarach Łukašenki, vajennaha kamisara Homielskaj vobłaści Andreja Kryvanosava i raspalvańnie sacyjalnaj varožaści. Taki prysud vynies sudździa Alaksandr Piskunoŭ. Sud prachodziŭ u zakrytym režymie.

Zhodna z materyjałami spravy ŭdzielnik hrupavoha čata ŭ žniŭni 2020 hoda z dapamohaj mabilnaha telefona nibyta raźmiaščaŭ sa svajho akaŭnta paviedamleńni z zaklikami da fizičnaha hvałtu ŭ dačynieńni da supracoŭnikaŭ pravaachoŭnych orhanaŭ.

Jon ža 15 žniŭnia 2020 hoda i 12 lutaha 2021 hoda ŭ Telegram-čacie nibyta raźmiaściŭ abraźlivyja kamientary na adras Łukašenki, a taksama vajennaha kamisara Homielskaj vobłaści ŭ suviazi z vykanańniem imi słužbovych abaviazkaŭ. 

Na minułym tydni za kamientary pra tych ža Kryvanosava, Łukašenku i inšych čynoŭnikaŭ asudzili da dvuch hadoŭ kałonii žychara Vietki, proźvišča jakoha pakul pravaabaroncam nieviadomaje.

Pavodle abvinavačvańnia, u lutym-krasaviku 2021 hoda vietkaŭčanin pakidaŭ u «Adnakłaśnikach» pad pastami svajho internet-siabra abraźlivyja kamientary. Usiaho mužčynu inkryminavali 13 epizodaŭ «złačynnaj dziejnaści».

Čytajcie taksama:

Žycharu Viciebska dali dva hady «chatniaj chimii» za abrazu minskaj sudździ

Žančynu, jakuju adpravili na «chatniuju chimiju» za kamientaryj z emodzi-haŭniaškaj, znoŭ asudzili za abrazu milicyjanta

Kavezešnika ź Pinska buduć sudzić za žart-abrazu ŭ telehram-kanale

Žycharu Bresta dali dva hady «chimii» za abraźlivy kamientar da fota Uładzimira Karanika

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?