«Čamu ŭkraincy časam paśpiachova vajujuć? Tamu što amierykancy svaje zondy zasiarodzili nad nami i ŭsio bačać. Jany (ukrainskija hrupoŭki) badziajucca pa tyłach i atakujuć z tyłu rasijskich vajskoŭcaŭ», — pryvodzić jaho cytatu z sustrečy uładzivastockaje ahienctva DEITA.
Pavodle Łukašenki, Rasija i Biełaruś užo rychtujuć «vysokadakładny adkaz»: Maskva i Minsk hatovyja zapuścić prajekty pa stvareńni svaich vysokadakładnych zondaŭ hrupoŭkaj u šeść spadarožnikaŭ.
«U nas hetaha dabra nie chapaje. Dzieści my prapuścili hety momant», — dadaŭ Łukašenka.
Taksama jon raspavioŭ pra vialiki patencyjał Biełarusi ŭ kaśmičnaj halinie.
«Nam ad Savieckaha Sajuza zastałasia vializnaja škoła. Ad ziamli da kosmasu. I ja pacichu hetyja škoły padtrymlivaŭ. I jany akazalisia zapatrabavanymi», — skazaŭ jon.
Łukašenka taksama raspavioŭ Kažamiaku pra Biełaruś, jak zboračny cech SSSR.
«Tady ŭ Biełarusi stvaryli vielmi zališniuju vytvorčaść. Kali b Biełaruś była niezaležnaj, my b nikoli hetaha nie stvarali», — skazaŭ jon.
Ciapier ža Biełaruś hatovaja pieranosić hetuju techniku i technałohii ŭ Prymorski kraj.
«Nievialikaja Biełaruś, ale my možam hetyja kampietencyi pieranosić na hetuju ziamlu», — rastłumačyŭ jon.
