Pavodle ich infarmacyi, Pucin, jaki surjozna razhladaŭ mahčymaść zaklučeńnia mirnaha pahadnieńnia z Ukrainaj paśla taho, jak u sakaviku Rasija paciarpieła parazu padčas nastupu na poŭnačy krainy, skazaŭ ludziam, jakija ŭdzielničajuć u sprobach pakłaści kaniec kanfliktu, što nie bačyć pierśpiektyŭ dla ŭrehulavańnia.

«Pucin ščyra vieryć u tuju łuchtu, jakuju jon čuje pa [rasijskim] telebačańni, i choča vyjhrać maštabna», — skazaŭ čałaviek, jaki viedaje pra chod pieramovaŭ.

Maskva i Kijeŭ uzhadnili pieršy prajekt mirnaha pahadnieńnia na sustrečy ŭ Stambule ŭ kancy sakavika, ale pieramovy zajšli ŭ tupik paśla taho, jak prezident Ukrainy Uładzimir Zialenski abvinavaciŭ Rasiju ŭ ździajśnieńni vajennych złačynstvaŭ suprać mirnych žycharoŭ u Bučy i Maryupali. Pucin ža byŭ u lutaści paśla taho, jak Ukraina patapiła krejsier «Maskva», skazali FT adrazu dźvie krynicy.

«Była nadzieja na ździełku. Pucin chadziŭ tudy-siudy. Jamu treba znajści sposab vyjści z hetaj situacyi pieramožcam», — skazaŭ adzin z surazmoŭcaŭ. Paśla taho, jak zatanuła «Maskva», Pucin byŭ suprać padpisańnia čaho-niebudź. «Paśla «Maskvy» jon nie vyhladaje pieramožcam, tamu što heta było źnievažalna», — dadaŭ surazmoŭca.

Ukrainskija i zachodnija čynoŭniki zaŭsiody sumniavalisia ŭ prychilnaści Pucina da mirnych pieramovaŭ, śćviardžajučy, što heta tolki sposab vyjhrać čas dla dalejšaha nastupu, adznačaje vydańnie.

Rasijski prezident, padobna, prytrymlivajecca skažonaha pohladu na vajnu, vykładzienaha jaho hienierałami i pakazanaha pa rasijskim telebačańni, skazali infarmavanyja krynicy. Pa ich słovach, Pucin nastojvaje, niahledziačy na ŭsie dokazy zvarotnaha, što rasijskija vojski nie vybirali ŭ jakaści mišeni cyvilnych asob.

Krynica FT taksama skazała, što Uładzimir Pucin paźbiahaje asabistaj sustrečy z Uładzimiram Zialenskim «usimi siłami»: «Jon choča, kab usio było vyrašana da ich asabistaj sustrečy».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?