Taksama PGNiG infarmuje, što na ciapierašni momant usie pastaŭki robiacca joj klijentam u adpaviednaści ź ich patrebami. Polskija kampanii — GAZ-SYSTEM i PGNiG — pastajanna manitorać situacyju, źviazanuju sa spynieńniem pastavak z boku «Hazprama».
U PGNiG zapeŭnivajuć, što hatovyja da atrymańnia hazu z roznych krynic, u tym liku praz hazavyja złučeńni na zachodniaj i paŭdniovaj miežach krainy, a taksama terminał impartu zvadkavanaha hazu ŭ horadzie Śvinauście.
«Bałans dapaŭniajecca ŭłasnaj zdabyčaj hazu i zapasami paliva, nazapašanymi ŭ padziemnych schoviščach hazu. Ciapier uzrovień zapaŭnieńnia schoviščaŭ składaje kala 80 adsotkaŭ, što značna vyšej, čym u anałahičny pieryjad minułych hadoŭ», — havorycca ŭ paviedamleńni PGNiG.
Raniej polskija ŚMI paviedamlali, što mahčymaja pryčyna prypynieńnia adhruzki hazu ŭ tym, što Polšča admoviłasia płacić za jaho rasijskimi rublami. Nieaficyjna viadoma, što termin raźlikaŭ za haz u rasijskaj valucie skončyŭsia ŭ minułuju piatnicu.
