Fota: AP
Pra heta prezident Ukrainy skazaŭ u intervju amierykanskamu telekanału NBC.
«Treba zrazumieć, što nie tolki my stračvajem. Tam, dzie my stračvajem adnaho čałavieka, Rasija — 5 čałaviek. Tam dzie my stračvajem adzin tank — jany 5. Voś tak my zmahajemsia. Ale treba być spraviadlivym i skazać, što nam składana. Bo znoŭ-taki inšyja ličby, na adzin naš tank u ich 10 tankaŭ, na adnaho našaha bajca — ich 10 vajskoŭcaŭ. I jakimi b mocnymi my ni byli, ich u 10 razoŭ bolš, i heta vielmi składana. Nam składana, ale my staim», — zajaviŭ jon.
Zialenski dadaŭ, što Ukrainie budzie składana stajać adzin na adzin suprać RF i jana moža nie vytryvać.
«Tamu vielmi važnaja padtrymka Jeŭropy, pierš za ŭsio ZŠA — ad hramadstva da prezidenta Džo Bajdena. Tamu što ŭsie pavinny razumieć, što heta nie naša vajna, prosta Ukrainy z Rasijaj, heta vajna ŭsiaho śvietu z kankretna RF, ź ich vajenna-palityčnym kiraŭnictvam, ź ich armijaj i ŭsie heta pavinny zrazumieć. My nie zmožam adny i, dziakuj bohu, što nam dapamahajuć», — zajaviŭ kiraŭnik dziaržavy.
Jon pierakanany, što vajna skončycca pieramohaj Ukrainy.
«Jak by ciažka ni było, my pavinny vycieśnić akupantaŭ z našaj ziamli. Kolki zmožam, my budziem heta rabić», — zajaviŭ Zialenski.
Jon taksama kaža, što pieražyvaje, što Zachad moža stamicca ad Ukrainy.
«Ja adčuvaju časam, čuju niekatoryja słovy, zakliki zapavoleńnia ŭ dapamozie, ja baču heta. My nie majem prava prajhrać, ja kažu pra śviet. Ja liču, što hetaja ahulnaja pieramoha i pieramoha budzie ZŠA, Ukrainy, jeŭrapiejskich dziaržaŭ. Kali my prajhrajem, chto b što ni kazaŭ, tady prajhraje demakratyja, a značyć, prajhrajuć ZŠA, jeŭrapiejskija dziaržavy. Ja viedaju, što ŭsim niaprosta, ale treba», — padkreśliŭ jon.
