Krutahałoŭ adznačyŭ:
«Adnosna Marusi Hrycuk. To jana trapiła ŭ akupacyju pad Kijevam. Jany 17 sutak prasiadzieli biez suviazi, bieź śviatła. Na 17-y dzień jaje muž-biełarus damoviŭsia, kab jaje zabrać. Za joj pryjechaŭ tank. Jana sieła ŭ tank i źjechała ŭ Biełaruś.
Jaje muž artyst. Jon prosta chacieŭ vyratavać svaju žonku. My nie mahli dapamahčy», — skazaŭ Krutahałoŭ u prahramie «Jak ty?».
Maryna Hrycuk rodam z Bresta, vučyłasia ŭ Bresckim dziaržaŭnym techničnym univiersitecie. Padčas vučoby stała hulać u KVZ, spačatku za svaju VNU, a potym trapiła ŭ zbornuju Biełaruskaha dziaržaŭnaha ŭniviersiteta. Kamanda BDU za jaje časami dvojčy stanaviłasia čempijonam vyšejšaj lihi KVZ, heta byŭ jaje załaty čas. Z 2004 hoda Hrycuk pracavała na biełaruskim telebačańni, u 2019 hodzie dałučyłasia da akciorskaha składu ŭkrainskaha «Dyziel šou».
Z «Dyziel-šou» pierad vajnoj taksama supracoŭničali biełarusy Jaŭhien Smaryhin i Dźmitryj Tankovič. Ciapier jany z Ukrainy musili vyjechać, choć u inšym intervju Krutahałoŭ padkreślivaŭ, što ichnija pohlady — stopracentna praŭkrainskija:
«Toje, što jany nikoli nie padtrymlivali pucinskuju prapahandu — 100%. Jany nie ličyli ŭkraincaŭ nacystami. Jany narmalnyja pacany, ź jakimi siabrujem užo hadoŭ 15—20. Nikoli ŭ ich nie było impierskich pohladaŭ na Ukrainu, jany našy».
Čytajcie taksama:
«Ja nie ekstremist, a čałaviek na baku praŭdy». Humaryst Dźmitryj Tankovič staŭ viadučym Nexta Live
«U vas niama šancaŭ». Biełaruski akcior Jaŭhien Smaryhin, jaki daŭno žyvie va Ukrainie, vykazaŭsia pra rasijska-ŭkrainskuju vajnu
nadojeli užie eti artisty-kaveenŝiki. nie?
pośle zielenskoho, tak osobienno