Fota: unsplash.com / Rebecca Hausner
Francyja mienš zaležyć ad rasijskaha hazu, čym niekatoryja jaje susiedzi (tam kala 17% pastavak prypadaje na Rasiju), ale ŭrad rychtuje płany na vypadak niepradbačanych abstavinaŭ.
Adklučeńnie asabliva prablematyčna zaraz, tamu što francuzskaja atamnaja enierhietyka budzie z usich sił sprabavać papoŭnić spad, pakolki mnohija reaktary ŭ ciapierašni čas vyviedzienyja z ładu dla techničnaha absłuhoŭvańnia.
«Ja dumaju, što poŭnaje spynieńnie pastavak rasijskaha hazu — heta realnaja mahčymaść. I nam treba padrychtavacca da hetaha scenaru», — skazaŭ Bruno Le Mer u kułuarach kanfierencyi pa biznesie i ekanomicy na poŭdni Francyi.
«Było b zusim biezadkazna ihnaravać hety scenar», — dadaŭ jon. Raniej na kanfierencyi jon nazvaŭ takoje adklučeńnie rasijskaha hazu «najbolš vierahodnym scenaram».
Le Mer skazaŭ, što pieršaj linijaj abarony dla chatnich haspadarak i pradpryjemstvaŭ źjaŭlajecca skaračeńnie spažyvańnia enierhii, a zatym budaŭnictva novaj infrastruktury, naprykład, płyvučaha zavoda, jaki zmoža rehazifikavać zvadkavany pryrodny haz, što pastaŭlajecca z-za miažy.
Što jašče bolš važna, urad taksama vyvučaje kampaniju za kampanijaj, kab zrazumieć, kaho možna prymusić źnizić vytvorčaść dla ekanomii enierhii, kali heta nieabchodna, skazaŭ Le Mer.