Spravu razhladaŭ sudździa Ihar Ziamcoŭ.
Pavodle materyjałaŭ śledstva, jašče ŭ mai 2021 hoda, vykarystoŭvajučy navinu ab krušeńni vajennaha samalota ŭ Baranavičach i hibieli dvuch lotčykaŭ, u sacyjalnaj sietkach, u tym liku i ŭ Tyktoku, 35-hadovy Jaskievič sistematyčna raźmiaščaŭ u adkrytym dostupie videazvaroty, nakiravanyja na raspalvańnie sacyjalnaj varožaści ŭ dačynieńni da supracoŭnikaŭ siłavych viedamstvaŭ.
Taksama ŭ traŭni 2021 hoda jon vyrabiŭ i raźmiaściŭ u sacyjalnaj sietcy i videachostynhu Tyk-tok ŭ adkrytym dla nieabmiežavanaj kolkaści asob dostupie 3 videazvaroty, u jakich źniavažyŭ kiraŭnika dziaržavy, iłžyva abvinavaciŭ jaho ŭ ciažkich i asabliva ciažkich złačynstvach.
Z ulikam pradstaŭlenych dziaržaŭnym abvinavaŭcam dokazaŭ sudovaja kalehija pa kryminalnych spravach Mahiloŭskaha abłasnoha suda pryznała Jaskieviča vinavatym u ździajśnieńni złačynstvaŭ, praduhledžanych č. 1 art. 130, č. 2 art. 368 Kryminalnaha kodeksa Respubliki Biełaruś.
Šlacham častkovaha składańnia pakarańniaŭ Jaskieviču pryznačanaje kančatkovaje pakarańnie ŭ vyhladzie pazbaŭleńnia voli na termin 4 hady 6 miesiacaŭ u kałonii ahulnaha režymu.
Prysud byŭ vyniesieny 6 lipienia.
