Dźmitryj Niešta ŭ sudzie
«U nas va ŭstanovie ŭtrymlivalisia administracyjna zatrymanyja. Pry ich vyzvaleńni pracavała hrupa vałancioraŭ za miežami ŭstanovy. U suviazi z tym, što hetaja hrupa znachodziłasia pablizu ŭstanovy i nieabchodna było ŭstanaŭlivać fakty supraćpraŭnych dziejańniaŭ na terytoryi našaj ustanovy, na što jany hatovyja, majuć namier pajści, ja pieraapranaŭsia ŭ cyvilnaje niekalki razoŭ.
Na praciahu dnia z hetaj hrupaj vałancioraŭ prysutničaŭ tam, z metaj zrazumieć ich dziejańni. Źbiralisia jany tam z metaj sustrečy vyzvalenych kala IČU.
Pry vyzvaleńni čałavieka padychodziŭ vałancior, vałanciory cikavilisia, pa jakim artykule, za što, adkul sam. Kali nie pa hetym [pratesnym artykule 23.34 KaAP] artykule, to cikavaść hetaj hrupy ludziej da jaho źnikała i čałaviek išoŭ dalej. A kali pa hetym artykule, jany skandavali adrazu «Žyvie Biełaruś». U hetaj hrupie była niezabaronienaja simvolika, u pryncypie», — raspavioŭ namieśnik načalnika śledčaha izalatara № 6 Dźmitryj Šustaŭ.
Nahadajem, što sud Baranavickaha rajona i Baranavič asudziŭ vajskovaha piensijaniera Dźmitryja Nieštu pa terarystyčnym artykule 289 Kryminalnaha kodeksa i za vyrab «kaktejlaŭ Mołatava» pa č. 1 art. 295-3 Kryminalnaha kodeksa da 12 hadoŭ kałonii va ŭmovach uzmocnienaha režymu z pazbaŭleńniem zvańnia «padpałkoŭnika». KDB uklučyŭ jaho ŭ «śpis terarystaŭ».
