Jeŭrakamisar pa źniešnich suviaziach i palitycy dobrasusiedztva Bienita Fierera-Valdner u intervju rasijskamu internet-vydańniu Hazieta.ru raskazała ab palitycy ES u dačynieńni da Biełarusi.
Bienita Fierera-Valdner u časie apošniaha vizitu ŭ Biełaruś. Fota Jarasłava Ściešyka.
– Mnohija rasijcy zaniepakojenyja tym, što Rasija moža być vycisnutaja ź Biełarusi dziakujučy hetym namahańniam ES. Vy b śćvierdzić, što heta nie tak?
– My žyviem u hłobalizujučymsia i uzajemaźviazanym śviecie, dzie ideja «vybaru» pamiž dvuma važnymi nakirunkami vyhladaje sastarełaj. My zaŭsiody zaklikali ŭsich našych susiedziaŭ raźvivać dobryja adnosiny z Rasijskaj Fiederacyjaj, tak jak heta ŭ intaresach kožnaha z bakoŭ.
– Padčas vašaj apošniaj sustrečy z prezidentam Alaksandram Łukašenka u Minsku vy pakazali, što hetyja kansultacyi źjaŭlajucca «etapam u dvuchbakovych adnosinach» pamiž ES i Biełaruśsiu. Kali paciapleńnie ŭžo pačałosia, to da čaho jano, na vaš pohlad, moža pryvieści?
– Ja zaŭsiody vyrazna ŭkazvała, što Jeŭrapiejski Sajuz hatovy znoŭ raźvivać adnosiny ź Biełaruśsiu, kali buduć vykananyja peŭnyja ŭmovy. Ci atrymajecca vybudavać adnosiny pamiž ES i Biełaruśsiu na lepšych padstavach, zaležyć ad ułasnaha vybaru Biełarusi. Kali my ŭbačym prahres u reformach, ES stanie dobrym partnioram dla Biełarusi. Heta partniorstva ŭklučaje ŭ siabie dvuchbakovyja prahramy pa linii «Uschodniaha partniorstva» i jeŭrapiejskaj palityki susiedstva. Kali havaryć kankretna, to takoje partniorstva budzie ŭklučać u siabie palahčeńnie vizavaha režymu i spraščeńnie praviłaŭ dla pajezdak hramadzian Biełarusi ŭ krainy ES, a taksama ŭmacavańnie handlovych suviaziaŭ.
– Jakaja makraekanamičnaja padtrymka Biełarusi mahčymaja z boku ES? Ci aznačaje heta pašyreńnie suviaziaŭ ES ź Minskam u tych halinach, dzie biełaruskaja ekanomika pa-raniejšamu całkam zaležyć ad Rasii?
– U Biełarusi, sapraŭdy, surjozna adbilisia nastupstvy finansavaha i ekanamičnaha kryzisu. Paśla taho, jak u 2008 hodzie ekanomika hetaj krainy prademanstravała 10-pracentny rost, u hetym hodzie ŭsio havoryć na karyść taho, što budzie naziracca značnaja recesija, jakija supravadžajucca padzieńniem pramysłovaj vytvorčaści i prablemami bałansu płaciažoŭ. My całkam padtrymlivajem pahadnieńnie pamiž MVF i Biełaruśsiu, jakoje, jak my spadziajemsia, dapamoža stabilizavać situacyju, i jakoje źviazana ź niekatorymi značnymi strukturnymi reformami. My taksama razhladajem usie mahčymaści dadatkovaj padtrymki, jakuju my mahli b akazać. Naprykład, my chočam sumiesna z MVF, Suśvietnym bankam, Jeŭrapiejskim inviestycyjnym bankam i Jeŭrapiejskim bankam rekanstrukcyi i raźvićcia akazać biełaruskamu ŭradu ekanamičnuju padtrymku z metaj dalejšaj ekanamičnaj libieralizacyi. Kali havaryć u ahulnych terminach, my chočam bačyć, što Biełaruś praciahvaje raźvivacca jak kraina z adkrytaj ekanomikaj, jakaja vyjhraje ad pracy na šmatbakovaj asnovie. My taksama ŭpeŭnieny, što ŭstupleńnie ŭ SHA zastajecca klučavym krokam dla prasoŭvańnia ekanamičnych reformaŭ, jakija mahli b, u svaju čarhu, stvaryć spryjalny inviestycyjny i dziełavy klimat. Heta pryniasie karyść i biełaruskaj ekanomicy, i hramadzianam hetaj krainy, i ŭmacuje jaje handlovyja suviazi ź ES.
